| 同學=朋友?
如果呢個等式成立, 咁我應該好多朋友.
頭五年既中學生涯,我真係覺得自己返學好開心 日日嘻嘻哈哈
同身邊既同學仔有講有笑, 係果d既日子 我真係覺得自己好多朋友.
直到上到中六, 開始感覺到自己身邊既人唔同左
同自己既距離疏遠左
儘管我參加好多不同類別既活動 又su, 又sport concil 又玩埋debate
係,真係識多左人, 但依然識唔到好幾個真既朋友.
唔知係咪升到中六 個個人有好大既讀書壓力 機心重左
我覺得好多人都變得好假, 話就話同你有講有笑, 好似相處得好好感
但我硬係覺得有果種" 話知你死既", "你有事啊? 我食花生睇戲好過" 果種感覺.
可能係因為太多班內既同學唔鍾意我,
真係, 以前都感覺唔到, 上到黎中六真係感覺到同學好多都唔妥我.
我認,自己把口好衰, 成日串人, 但我自問自己,除左form 5 果次之前,從來冇做出 或者講出一d 傷害人既野,我反而多左同人傾計,多左關心同學. 但點解d人都咁憎我?
OK FINE! 憎我咪憎我, 我上到A LEVEL 都係讀書, 冇朋友? 算數.
咁諗原來只係自我安慰.
直到今日, 係學校比人抽水, 我認為果個人既抽水過左我既底線, 所以我好憤怒.
終於我忍唔住打左佢幾鎚,推左幾下,當住全班發火.
今日係我人生第一次 係同學面前認真咁扯火, 仲要動粗
自覺得今次自己真係控制唔到自己,EQ好低,自己亦都有錯
但重點係,當我發火之制,除左某幾位同學走埋啦制止我之外,
我感覺到其餘同學既係投放緊D 鄙視既目光係我到,
仿佛係對住我講"抵你死啊,你都有今日,平日抽人咁多水"
呢刻我真係咩火都冇曬, 反而覺得好空虛.
果種比人冷淡 比人鄙視既心情 真係好失落.
愛情,有好多人認為中學最緊要識返個女/男朋,咁就不枉此生.
愛情算得係D咩, 朋友先係最重要.
冇左朋友,你變得好寂寞
冇左朋友,你變得好空虛
冇左朋友,你變得好悲觀
由聽日開始,我發誓唔再抽水
至少我唔想再有報應
至少我唔想再感受果種失落感.
呼,打曬心底說話出黎,好舒服.10/12/2011 00:53 AM.
|
